Disadorn d’ar 5 a viz Mae hon eus aozet gant Christine ur valeadenn e Liorzh al Luxembourg. Setu amañ leuc’hskeudennoù an devezh a-stroll gant al lec’hioù dizoloet hag ar gerioù nevez desket ganeomp!
****************
Samedi 5 mai, nous avon organisé avec Christine une promenade dans le Jardin du Luxembourg. Voici les photos de la journée avec les lieux visités et les nouveaux mots appris!
Liorzh al luxembourg, er 6vet arondisamant Pariz zo bet krouet da vare Catherine de Médicis (XVIIvet kantvet) gant Jacques Boyceau. Hiziv an deiz, al Luxembourg zo unan eus al liorzhoù muiañ karet gant ar Barizianed.
Da gentañ tout, aet omp davet ul lodenn tost dianavezet gant an dud: korn al liorzh lec’h ma vez kavet gwez-frouezh. Kavet vez ivez ruskennoù, ostalerioù evit an amprevaned, ha all.
Christine o tisplegañ deomp istor al liorzh dirak ar gwez-frouezh
Un ostaleri evit an amprevaned kuzhet e-touesk ar gwez…
Ar ruskennoù
War an hent, gwellet hon eus ur strollad tud gwisket giz gwech all…
Graet hon eus un ehan bep gwech hon eus tizhet ul lec’h dedennus. Ar pal a oa dizolloiñ al liorzh evit komprenn e istor ha gwelladenniñ al lec’hioù kuzhet.
Tu zo bet deomp arvestiñ ur c’hoariadenn bouloù…
Al Luxembourg a zo ul lec’h a-feson evit c’hoari hag ober sport. Anvet eo gant meur a dud “le Luco”.
Tremenet hon dirak ar c’hoariva lec’h ma z’eus tu gwellout pezhioù-c’hoari ar “Guignol”.
Tu zo arvestiñ c’hoariadennoù tennis, zoken dindan ar glav!
Al liorzh a zo ul lec’h dispar a-hed ar bloaz. Un aergelc’h bamus a vez kavet eno a-drugarez d’ar gwez, d’ar bleunioù, pe c’hoazh d’al laboused. Ul lec’h peurvat evit diskuizhañ ha tec’hout pell ouzh saotradur ha trouz kreiz-kêr Pariz eo.
A-raok Ti ar Senat, Palez al liorzh a oa bet savet gant Salomon de Brosse evit Catherine de Médicis.
Tu zo bale dirak delwennoù tud brudet Istor Bro-C’hall…
Itron Jenovefa (Sainte-Geneviève), Mamm kêr Pariz.
Na pegen plijus eo azezañ dindan an heol ha tennañ gounid eus an Nevez-Amzer!
Graet hon eus an ehan diwezhañ dirak ar feunteun Médicis, savet gant Thomas Francine evit Catherine de Médicis, a-raok mont da bakañ ur banne an holl asambles!
Chañs hon eus bet ober ar bourmenadenn didan an heol! Baradennoù glav zo bet en deroù, met gwarezet mad e oamp dindan ar gwez o sellaou Christine.
Trugarez d’an holl evit bezañ deut ha trugarez vras da Christine evit aozañ ar bourmenadenn ha kontañ deomp istor al liorzh! Un endervezh a-feson hon eus bet o tizoloiñ lec’hioù brav. Ha setu bremañ ar gerioù nevez desket ganeomp:
- Gwez-frouezh: arbres fruitiers
- Gwezenn-frouezh: arbre fruitier (singulier)
- kaotigell: confiture
- pechez / pechezenn: pêches / pêche
- lus / lusenn: myrtille / myrtilles
- ruskenn-où: ruche-s
- mel: miel
- amprevan-ed: insecte-s
- geot: herbe
- liorzh-où: jardin-s
- c’hoari: jouer / jeu
- c’hoariadenn: match
- c’hoari bouloù: pétanque
- c’hoariva: théâtre
- pezh-ioù c’hoari: pièce-s de théâtre
- sport: sport
- arzoù emgannañ: arts martiaux
- dispar!: super!
- dispac’h: révolution
- Republik: République
- Rouantelezh: monarchie
- delwenn-où: statue-s
- c’hoari sonerezh / seniñ: jouer de la musique
- laz-seniñ: orchestre
An ti da vont war-raok gant ar Brezhoneg 