D’an 23 a viz Mezheven 2018 zo bet aozet gant Ti Ar Brezhoneg ur valeadenn e karter Latin Pariz heñchet gant Christine. Un abardevezh dispar, didan an heol o kerzout e straedoù ur c’ahrter kozh ha leun a lec’hioù dedennus….
Kroget hon eus da zizoloiñ ar c’harter e liorzh Cluny…A-raok teurel ur sell d’ar gibelllec’h Cluny ha komz diwar-benn Pariz en Henamzer…Ha kendalc’het hon eus an droaidenn a-dal kastell Cluny….“Gargouillioù” kastell Cluny…Kizelladurioù ar c’hastell e dora an an Azgivinelezh…Christine, blenier ar valeadenn e-tal dor ar c’hastell. Tu zo deoc’h pegenn estlammus eo ar garlantezenn delioù ha rezin kizellet…Munudoù an tisaverezh mod an Azgivinelezh…. na pegenn brav!Ha setu Christine o tisplegañ deomp istor ar Sorbonne ha pegenn pouezus eo bet ar skol-veur e-pad ar Grennamzer…Komzet zo bet eus talvoudegezh ar c’harter evit istor an deskadurezh en Europa adalek ar Grennamzer betek bremañ…Ha setu ni dirak ar Collège de France, un ensavadur pouezus kenañ evit ar pezh a sell ouzh an deskadurezh hag an enklask skiantel e bro C’hall hag er bed a-bezh…Er straed Sant-Jakez, o vont war-zu al lise Louis le Grand….Ha setu ni degouezet dirak beredva pennoù bras bro C’hall, ar Panthéon…Ar strollad e porzh ar greizhenn sevenadurel iwerzhonad….Kreizhenn sevenadurel bro Iwerzhon zo an eil nemeti er bed, an hini all a zo e New York!Plasenn ar Contrescarpe, e-kichenn straed Mouffetard…Hag echuet hon eus ar valeadenn e-kreiz stourmva Lutèce, ul lec’h a-bouez evit ar Romaned hag evit ar Vretoned, lec’h ma zo bet lidet gouel Erwan e-pad dekadoù gant Bretoned bro Bariz…
Trugarez vras de Christine evit bezañ heñchet ar valeadenn ha kelennet deomp kement a ditouroù diwar-benn istor ar c’harter Latin! Ha trugarez d’an holl re deuet evit dizolloiñ ar c’harter e brezhoneg penn-da-benn!
Hag evit mont pelloc’h, setu un nebeud gerioù bet desket e-koulz ar valeadenn….
An ti da vont war-raok gant ar Brezhoneg 